Hir coverchiefs ful fine weren of ground,
I dorste swere they weyeden ten pound,
That on a sonday weren upon hir heed.
Hir hosen weren of fyn scarlet reed,
Ful streite yteyed, and shoes ful moyste and newe.
Boold was hir face, and fair, and reed of hewe
She was a worthy womman al hir lyve :
Housbondes at chirche dore she hadde five,
Withouten oother compaignye in youthe;
But therof nedeth nat to speke as nouthe.
And thries hadde she been at Jerusalem ;
She hadde passed many a straunge strem :
At Rome she hadde been, and at Boloigne,
In Galice at Seint Jame, and at Coloigne,
She koude muchel of wandrynge by the weye.
Gat-tothed was she, smoothly for to seye.
(Geoffrey Chaucer)
|
